الفشل أسبابه وكيفية تجنبه

#الفشل 

غير قبل منبدا كنتمنى انك تقرا هدشي من قلبك وماشي تقرا شويا وتمشي تجوب عشيرك ولا صحبتك .

الفشل ولي هو العكس ديال النجاح وهو صفة مكتخلقش معانا ، الفشل هو منين كتبغي توصل لشي حاجة ولكن فالأخير مكتوصلهاش هذا هو التعريف لأنسب للفشل . والفشل راه أي واحد فينا يقدر يتعرض ليه حتاش ميمكنش ليك انك اي حاجة بغيتيها راه غادي توصل ليها او انه فألول تجربة راه غتجيب نتائج لي بغيتي ، والفشل راه عمرو كان عيب حتاش علماء كباار وفشلو فشحال من تجربة لعيب هو انك تستسلم للفشل او انك تبقا تفشل وتعاود نفس لفشل يعني انك متعلمش من تجربة لي فاتت، ولفشل عندو بزاف ديال اسباب غندكر ليكم شي وحدين بإختصار .

أول عامل ولي هو أكبر سبب للفشل منين كتبقى چالس مكدير والو وكتستنى انك تنجح وهو راجع لخوف الشخص من انه يفشل وكيقول بلي راه وخا غندير هاد لحاجة فراه مغديش تصدق ، او وراه فلان جربها قبل مني ومصدقتلوش . العامل الثاني وهو فاش كدير غير نص الشغل ومكتكملش :بزاف منا كيكون فالاول متحمس لشي فكرة او شي بروجي ولكن فالاخير كيمل وكيفشل وهذا راجع لانه لواحد مكيبقاش مركز على فكرة وحدة وكيبقا يخلط وفالاخير كيلقى راسك مشد حتى وحدة .

سبب ٱخر وهو انه معظم ناس مكيحطوش خطة عمل ، يعني كيبقا غادي فلحياة غير بزهر وكيستنا يوقع ليه داك شي لي كيوقع فالافلام وروايات ، راه الى مكانش عندك مخطط ناجح فراه وخا يكون عندك لي كان عمرك غتنجح دائما غيبقى لفشل هو صديقك .

مهم كانو هادو بعض الاسباب لي كتخلي لواحد يفشل وميوصلش لداك شي لي كان باغي ، أما باش تغلب على الفشل فانا كنصحك انك تشد هاد الأسباب وتحاول مااا أمكن انك مطيحش فيهم ومتكونش متشائم فحياتك توقع ديما الأفضل وبعد على اي حاجة لي غادي تجرك للفشل من صحابك و عائلتك وحتى من تلفونك ولا حاسوبك اي حاجة شفتيها غادي تديك للخسران حاول تبعد عليها .

تحياتي خوكم بلال نتلقاو فموضوع ٱخر وعلى نفس الحساب دائما ، دمتم سالمين ✌